美好年華

搭正12點，Monique同曉宇，同埋我三個人去咗松記食糖水。咁夜突然找我出去，感覺有啲意外，但當然好開心。真係唔知點解今日剩係識傻笑，亂講嘢咁，平時我唔係咁㗎！平時想笑都笑唔出咁，但一出到嚟就係好怕醜就好自然會傻笑，哈哈係你哋令我笑。曉宇生日快樂！

而家係早上5:42，點解我未瞓？因為我整咗成晚上網個router，搞咗成晚先攪得佢掂，今日日頭又去咗買router，同埋等維修師傅攪個新modem… 咁又一日啦。

不過點都好，今日係我放第一輪假嘅最後一日，星期一要返工啦。24號開始直落又放假，希望可以做到好多想做嘅事，例如見到朋友仔啦。呢幾日我都諗住約下舊同學出嚟見下。