幸福是甚麼？
幸福是三餐溫飽無憂，幸福是得到一份自己引以為傲的職業，幸福是今天的午飯很好吃，幸福是我做好工作收工，幸福是我未做好工作未能收工但我喜歡我的工作，幸福是我的工作不危險，幸福是我物質豐富不缺少，幸福是我有很愛我的媽媽，幸福是今早沒有吃早餐但收工肚餓時把帶上班的麵包吃掉，幸福是仍能和喜歡的人說話，幸福是我讀過想讀的學系，幸福是我還年輕時經歷過挫折以後能引以為鑑，幸福是我在深夜四時偷閒上網，幸福是我有很多關心我、明白我、了解我的人，幸福是我是一個沒記性的人，很快忘記仇恨。
最近心情有點不好，但原來幸福一直在我身邊，我有很多願望，或許很難達到。但別人也有很多想做的事、願望，但我原來一直擁有，而自己一路都不留意。幸福是甚麼？幸福是為自己所擁有而快樂，而不是每刻著眼自己的失去。
我們活在香港，吃飽住好，還能上網！我們通常遇上不快事，如被上司罵、學業升學、感情問題，比起很多事都變得渺小，其實我們每一個都是豐足的人，只是我們每天都被自己過高的期望打沉自己。
我希望，有一天我真的學會做一個「幸福」和帶給身邊所有人「幸福」的人。
下雨天已經喺呢兩日過去咗，好多事都可以由唔好變好，但一定要堅持信念。
–
正生書院嘅事我一直有留意，呢件事都好體現到人性嘅兩個對比。有好多人，諗野會淨係用自己利益去諗，正生書院嘅學生講咗句說話，好簡單但係好有意思：「外面的朋友只有利益關係，這裏的同學可以說心事，是一群會關心你的弟兄。」
–
屋企繼續嘈，老豆依然無變過，不過我唔需要其他人關心，我已經慣了，希望盡快不在需要吵下去，老豆會唔會變根本變得唔重要，只希望媽媽過得開心D。重重覆覆講過不知多少次，我也厭了，唔想勉強家人去對佢好。只係想講，第日我一定會做個好daddy。
–
琴日去左浸會大學DGC畢業展「Cheers啤啤佢！」 - DGC Gradx 2009同埋城市大學「畢業學生作品展Medialogue」。今年特別令我留下深刻印象係SCM放在門口既相，兩個展覽都好搞得高水準，而家SCM個show仲未完，大家有機會真係要去睇下。
–
人越大就覺得自己越來越唔識諗野講野，relax、relax，趁放假好好去拋下工作時的責任心，放鬆一下自己，好嗎。
最近買了PS3，不單是為了自己玩，也算是自己興趣，看看那精彩設計的畫面吧。買了一些新遊戲，包括Winning Eleven和Burnout Paradise。
在早一個月，其實我請了幾天假，好讓我能在不停的工作之中，休息整理一下自己，也能相約家人遊台灣，但旅遊擱置了，而剩下的假期也被多到瀉的工作去掩蓋。唯望早日完成這個task，然後再好好享受五天休假，再重新出發。
最近已深感自己失去個人空間，被工作淹沒了生活，其實沒有人迫我的，只是我自己自找麻煩，對自己要求高，而自己需要額外收工後的時間去做好作品，但當然我有太多要改善。我要證明我不是「工作狂」，我要求高但要控制到時間呢！
在6月23日收工之後，百忙中抽時間到大球場看一場我等了很久的球賽，是亞洲足協杯十六強，南華對內政聯。當晚南華贏了4比0，更有九千人入場一起看，算是我看香港足球以來，最多人在現場看的正式比賽。有點意想不到，在上年南華很辛苦地踢，也落敗給內政聯。但今年球員們都煥然一新，更連入四球，大感驚喜！我帶了萍和金仔到一間我深夜收工吃的街頭日本餐館，不算昂貴的。那裡老闆已認得我了，也許我真的太多超時工作至深夜，我不能這樣。
（圖：真的很熱鬧，不計表演賽和邀請賽，原來很多很多年沒看過這樣多人看正式比賽）
今晚補祝父親節，到樓下一家人打邊爐。但我不喜歡爸爸，好像沒有擺「心」在我們身上，對我們也是粗粗魯魯，呼呼喝喝的。我一定不想自己變成另一個他。
其實我這幾天沒有打blog，是因為我忙於一份作品，今晚略為說說最近發生過的事，也許在我明晚或後晚放假時候，我再說說我心中想說的一些所見所聞。
整體而言，呢個星期都算係過得充實，但真係想要多D休息時間，而家我準備去訓，明天繼續作戰到底。
P.S. 其實我真的很小事就可以很快樂，一個關心、問好、見一見，我已很高興
P.P.S. 最近學了幾個詞語，戰鬥格、永遠、硬朗、豁達
2002年，直到現在，經歷了七個年頭。
是因為一隊組合才令我開始留意流行音樂，佢地就係Swing！
2002年，我才中五畢業，但當時聽到佢地要拆夥，真係好唔開心好唔開心，但係真係估唔到，分開左咁耐，最後都番番黎，搞佢地既音樂！Swing，一直都係我最喜歡既音樂人！
我星期四去左新城搞既Same Wrong Sin陳奕迅音樂會，佢地正式重新組合番！Swing仲唱左新歌！真係好意想唔到！
我有貨
主唱：Swing
作曲：Swing
填詞：陳詠謙
編曲：Swing
監製：Swing
從前有間公司關了 清倉不要 執笠做拆家
然後舖位 丟空久了 推出一批新貨上架
誰路過都 恭喜一下 加點驚訝 比之前更誇
熱夠身然後再大變身 你要嗎
＊我有貨 dadadadada 不必擔心次貨
最緊要我有貨 dadadadada 色彩統統襯過
最緊要我有貨 dadadadada 樣樣慢工細貨
最緊要我有貨
營業結束 一些慘叫 一些偷笑 分左右兩邊
其實各位 都想等到 街口一齣好戲上演
隨著拍子 天天打卦 屈指一算
一於就發癲 換套衫然後再調個位 等等先
REPEAT＊
我悶得太耐 我要玩耍故我在 無謂要我改
我近得你耐 我發夢都有你在
還是兩個人 大不了話我黐孖筋
我兩個黐住再孖住 然後再黐筋孖筋 黐筋 孖筋
我有貨 (黐孖筋) dadadadada 不必擔心次貨
最緊要我有貨 (黐孖筋) dadadadada 色彩統統襯過
最緊要我有貨 (黐孖筋) dadadadada 樣樣慢工細貨
要知道營業記緊客戶至上
我有貨 (黐孖筋) (黐孖筋) 黐孖筋的創意
最緊要我有貨 (黐孖筋) 無謂來講錢 位位都可試試
最緊要我有貨 (黐孖筋) 我鍾意表演 沒扮作高檔次
最緊要我有貨
今晚abz約咗我們一大班中學老死出嚟食晚飯預祝阿花生日，最後大家都去咗小肥羊，個湯底真係辣到無朋友！我食到咳咗好多次，但係又要話辣又要去食，我都幾衰，哈哈！志華，ming fai，國安，星爺，黃釗，Patrick都出現咗，大家又敘一敘喇！佢哋都覺得我肯飲啤酒，但其實我覺得好熱，所以為解渴消暑先飲，唔好覺得我咁爛飲呀！我地仲一齊plan下下星期會唔會玩番晚，地點可能係南丫島或者長洲，希望可以成行啦！
夜少少，我同abz兩個人去咗找阿Ling同曉宇見見面，阿Ling聽日就返去美國啦，希望阿Ling一路順風，上飛機瞓得好D啦！其實你同以前都無變過呀，不過sexy咗囉！哈哈。感激大家叫我地出嚟見面，今晚過得好開心呢。
辣到無朋友嘅湯底
後記：琴晚真係好累，打blog都打得無咁多，今日訓到好晏！
今日番工，我同同事講我肥左，開心左，有同事就問：識左女仔嗎？拍拖嗎？
其實開心可以因為好簡單既事，只係單單因為工作上面，同事都對我好好，可以一齊食lunch，工作對比起舊公司都算係唔太忙，而且係真係自己最鍾意既motion graphics，當做完作品可以俾好多電視觀眾見到，就自然開心。請了解我，我既笑容並唔係剩係為左感情呢，哈。
最近多左同舊同學見面，我好鍾意大家互相信任，大家都仲係好關心大家咁去傾計，希望之後大家可以keep住多D見面，找回過去我地同學仔一齊開心笑既日子。
今日都好準時收左工，呢兩日workload終於正常左一D，我媽咪見到我早左番屋企都開心左，因為早幾日番到去真係好夜，深夜時份，佢對我會好擔心，但係我已經同佢講左唔洗擔心既，但係做阿媽，就係幾時都放心唔落，咁我都係乖乖地快D做好D野番屋企啦。
我其實係一個將自己收得好埋既人，但係內心係想多D人去關心我，去了解我，去感覺到我既存在。但係我都好明白，唔可以收埋自己，無論發生過咩事，都應該要豁達去睇，放開心情，去面對事情。我希望，用行動去表現出黎，我係真係識得放開自己，將唔開心既事可以識得面對。希望所有人都可以俾支持我呢。
本來聽日約左阿萍去跑步，但係都係要delay，因為聽日我要去阿花（尾有兄呀）生日預祝，我地真係好耐無見，唔知阿花變成點呢，講真，都有一段時間無見，請原諒我有一段時間無出現，聽日就可以見到大家啦，特別係好耐無見既阿花兄！
6月26號開始，我請左假，或者會再離開香港，可能會同媽媽去台灣，襯媽咪未太老，可以行既時候，我應該要帶佢去下唔同地方，不過我其實應該要買部單鏡反光相機去，但係又係一個錢字，令我有D保留，我真係好想儲D錢，但係又有好多野好想去實行呢。
剛才係維園參加左六四事件二十周年晚會，今次係我第一次參與政治主題既活動。主辦單位話有十五萬人，而警方話有六萬幾人，但係無論出席人數有幾多，事情的而且確都係發生過，歷史都唔會改變到。
一入到去，警察點到好多人行錯左路，不過我信佢係無心之失，不過警察都有D惡。之後慢慢入到去迫人迫左一段時間先有得坐，因為真係好多人，發現原來仲有好多好多香港人係會關心呢件事。而家我地香港教科書，都係好避談六四，呢D先叫做愛國嗎？
做個比喻，媽媽愛子女，有兩種。第一種：媽媽可以日日係咁讚子女，買最好既野俾佢，等佢日日都好開心，去寵佢縱佢。第二種：阿媽會鬧仔女，但係為左佢成長著想，仔女做錯野，一定會俾人鬧，嚴正對待。而家D人成日講既所謂愛國，好多時都係第一種，即係縱容國家錯事，隱惡揚善，D官就自稱自己係愛國。而有一班人，為左去講出真說話，犧牲左自己唔少利益，例如去中國工作既機會，又或者有一D異見人士更被打壓，但係佢地有唔少都係出於愛呢個國家先去講一D國家唔鍾意聽既說話，但最後下場係點呢？有D死左，有D流亡，有D被軟禁。
今日我為自己驕傲，因為我行左我的第一次參與社會政治運動，勇敢去表達左自己意見。
六四事件
二十年前，天安門發生過的事，當時我只是四、五歲，我對這件事本身沒有太大感覺。但由於傳媒一路把事件去傳給下一輩的人，我這群較年輕的，逐漸知道當年我們國家的政府對學運人士做過甚麼。
自問本身唔係泛民支持者，但我認為，做錯事就應該認，而且係堂堂大國，就更加要做好榜樣，身教國民。香港教科書只得寥寥三數行去寫六四事件，而最近更有雜誌在刊登六四事件時，而強行移除有關六四內容。這樣實在太可怕了，連講一句公道說話的權利，都可能會被制裁。最近特首相信因壓力，而「講錯野」，作為中央同埋香港市民的磨心，當然明白佢位置兩邊唔討好，但講野係要負責架嘛。而最重要，希望當天死難者真的最後得到一個公道。
六月四日也是一個屬於一個人和我的重要日子，應該寫低紀念呢個日子。
今日小記
今日我係公司算是近幾個月來比較鬆動既日子，最近真係太辛苦啦，仲好夜走，琴晚更加要去銅鑼灣再轉去旺角先番到青衣。今晚總算係七點準時走，夜晚去左搵肥卿同埋Dicky食飯。初時諗住去打邊爐，但係最後都係放棄左，去左KFC食，其實最近我食得太多KFC，不過難得見一次朋友，傾計見面比起食乜野緊要既！
大家無見一排，其實大家都發生過一D好唔開心既事，其實每個人都有失敗過或者做錯過，肯去承認、面對，然後瀟灑一D向前睇，一切過去都可以變到唔再重要，最重要既係，我地坐左係大家面前食緊野，好開心咁傾計。我地大約十點鐘之後，轉移陣地去青衣城外面樓梯避雨同埋傾計，繼續好認真咁為「神存唔存在」同埋「世界的起源」呢兩個問題好認真咁討論。我覺得，好有中學果陣既感覺，講真我地大家討論野，同以前真係一D都無變過！
今日我學識左多一樣野，就係要知足，人開唔開心，其實同處境未必有關係，而係在乎自己點去睇。我繼續去學點去豁達面對每一件事。
夜晚了，差不多五點。
原來失眠感覺很差，很想睡覺，但又不想睡覺，有心結吧。
對人話不投機，總覺得自己不懂說話，結結巴巴，天曉得怎樣去放鬆自己？
自從對上一次寫Blog直到現在，在公司的工作又多了，甚至有一些在deadline前未做得好的工作也帶回家，但還是未如自己心中所想的好。我還是切實地在公司做好公司的事吧。
找了Hilary晚飯，原來也算是談得快樂吧，希望Hilary早日找到好工呢，各有各的創作夢。
打完Blog的感覺舒服了，有時不抒發少許內心感覺，總是心情不好。希望明天心情會更好。
還有，今天去了Poly的畢業設計展，有三份Font Design的Project，也是較為impressive的。但整體我還是喜歡以往的設計展。
今日還看了南華對天水圍飛馬的球賽，落敗了，不懂得怎樣說，有點心淡。
Recent Comments